Республика жаңалықтары

22 Маусым 2018 14:59
Денсаулық саласын цифрландыру қалай жүзеге асырылуда

О.Әбішев айтып өткендей,  Қазақстан бойынша медициналық ұйымдардың дәрігерлерін және орташа медицина персоналын компьютерлік техникамен жабдықтау 85,5% -ды құрайды (жұмыс орындарының саны - 97 402, оның ішінде - 83 314 қамтамасыз етілген).

«Қазақстан Республикасы бойынша Интернет желісіне қолжетімділік аудандық деңгейдегі денсаулық сақтау ұйымдарында 100% -ды (объектілер саны - 785, оның ішінде қосылғандар – 785) құрайды. Қазақстан Республикасы бойынша Интернет желісіне қолжетімділік аудандық деңгейден төмен денсаулық сақтау ұйымдарында 46 %-ды (объектілердің саны  – 5 459, оның ішінде қосылғандар – 2 512) құрайды», - деді ол.  

Ол айтқандай,  денсаулық сақтау ұйымдарында МАЖ-ды енгізу үлесі аудандық деңгейге дейін - 96,7%-ды  (объектілер саны - 752,оның ішінде енгізілгендері – 730) құрайды.

«ҚР аудандық деңгейден төмен денсаулық сақтау ұйымдарында МАЖ енгізу үлесі 41% (объектілердің саны – 5 459, оның ішінде енгізілгендері – 2 235) құрайды. Денсаулық сақтау ұйымдарында медициналық құжаттаманы қағазсыз түрде жүргізуге көшу бөлігінде Қазақстан Республикасының денсаулық сақтау саласын цифрландыру процесі 2017 жылғы желтоқсан айынан бастап іске қосылды (Қарағанды облысының денсаулық сақтау ұйымдары), бұл ретте процесті іске қосу кезең-кезеңмен жүзеге асырылады – 2018 жылғы 1 қаңтардан бастап аталған процеске пилоттық жобаның   I кезеңі шеңберінде Ақмола, Қостанай және Батыс Қазақстан облыстарының денсаулық сақтау ұйымдары  жұмылдырылды», - деді ол.

Сондай-ақ,  1 сәуірден бастап Оңтүстік Қазақстан, Маңғыстау, Павлодар және Алматы облыстарының денсаулық сақтау ұйымдары пилоттық жобаның II кезеңі шеңберінде медициналық құжаттаманы электрондық форматта жүргізуді бастады.

Пилоттың I және II кезеңі шеңберінде  шамамен алғанда 450 дербес денсаулық сақтау ұйымы іске қосылды. Өңірлер үшін Пилоттық жобаның I кезеңінің графиктерін көздейтін Жол картасы бекітілді: пилоттық өңірлердің медициналық ұйымдарының электрондық форматқа көшуі, пилоттық жоба бойынша ақпараттық-түсіндіру жұмыстарын жүргізу.

Сондай-ақ 2018 жылға арналған медициналық құжаттаманы қағазсыз жүргізуге көшу бойынша пилоттық жоба шеңберінде іспеттес жұмыстар жүргізіліп, әрбір облыстың әкімімен тиісті Жол карталары бекітілді.

«1 шілдеден бастап Ақтөбе, Шығыс Қазақстан, Жамбыл, Солтүстік Қазақстан, Қызылорда және Атырау облыстары,  Астана және Алматы қалалары.IBM Watson for Oncology – онкологтарға дәлелді медицина саласында емдеу әдістерін ұсынатын когнитивтік платформа. Бағдарлама бірегей емдеу әдістерін таңдайды, онкологиялық сараптама жүргізуге қолжетімділікті масштабтайды және 300 медициналық ғылыми журналдардан, 200 оқулықтардан артық  және шамамен алғанда  15 млн. мәтін беттерінен  тұратын деректерді өңдей отырып, медициналық құжаттаманың зор көлеміне талдау жасайды. Watson for Oncology жасанды интеллекті  National Comprehensive Cancer Network –тің жетекші сарапшы-онкологтарымен оқытылды. Watson for Oncology  барша әлемнің 15 алдыңғы қатарлы елдерінде ойдағыдай тәжірибеден өтті», - деді ол.

Жобаның мақсаты онкологиялық аурулармен ауыратын адамдар арасында өміршеңдік көрсеткіштерін және көмекті көрсету сапасын арттыру, онко-препараттарды сатып алу процесін оңтайландыру болып табылады.

«Денсаулық сақтау министрлігі Қазақстан Республикасы Денсаулық сақтау министрлігінің, ҚР ДСМ «Республикалық электрондық денсаулық сақтау орталығы» ШЖҚ РМК, ҚР ДСМ «Қазақ онкология және радиология ғылыми-зерттеу институты» ШЖҚ РМК-ның, Қазақстан Республикасындағы «IBM Шығыс Еуропа/ Азия» ЖШҚ филиалының,  «Open Systems Development» жауапкершілігі шектеулі серіктестігінің өкілдерінен құрылған жұмыс тобын құрылды», - деді О.Әбішев.  

Ағымдағы жылдың маусым айында IBM  командасы ҚР ДСМ «Қазақ онкология және радиология ғылыми-зерттеу институты» ШЖҚ РМК пилоттық ұйым базасында топты құрады және мынадай жұмыстар түрін орындайды: тиісті бизнес-процесстер мен клиникалық процесстерді талдау, деректерді өңдеу, техникалық шолуды ұсыну.

Бүгінгі күні ҚР ДСМ «Қазақ онкология және радиология ғылыми-зерттеу институты» ШЖҚ РМК қызметкерлерімен апробациялық жұмыстар үшін емделіп шыққан жағдайлар мен нозологияларды іріктеу бойынша жұмыстар жүргізілуде.  

Сондай-ақ, 086 нысанды анықтаманы беру процесін автоматтандыру шеңберінде  Министрлік аталған мәселені аталған анықтамалықты, бұдан әрі  барлық анықтамаларды ҚР ДСМ бірыңғай деректер қоймасында сақтау үшін (бұдан әрі аталған анықтамаларды ҚР әрбір азаматының «Электрондық үкімет» порталының жеке кабинетіне беру мүмкіндігінің болуы үшін), медициналық ақпараттық жүйелер деңгейінде электрондық түрде қалыптастыру және беру мақсатында МАЖ өнім берушілерімен бірлесіп өңдейді.   

Аягөз Құрмаш