Республика жаңалықтары

17 Қазан 2017 19:34
Ақтөбеде «Нұрлы жер» аясында 153 мың шаршы метр тұрғын үй салынады

Бердібек Сапарбаев құрылысшыларға атқарылған жұмыстар үшін алғысын білдірді.

«Елбасы Ақтөбеде жүзеге асырылып жатқан  «Нұрлы жер» бағдарламасына жоғары баға берді. Сіздердің ендігі міндеттеріңіз – құрылыс қарқынын бәсеңдетпеу. Қыста ішкі әрлеу жұмыстарын жүргізу үшін күзде негізгі құрылыс-монтаждау жұмыстарын аяқтау қажет. Құрылысшылар да өзге сала қызметкерлері секілді жыл он екі ай жұмыс істеулері керек. Қаржыландыру жағынан мәселе жоқ. Қазір бөлінген қаражатты уақытында игеруге болады»,-деп атап өтті ол.

Өңір басшысының айтуынша жаңа тұрғын үй алабы 100 мыңға тарта ақтөбеліктің экологиялық жағынан таза әрі жайлы орнына айналмақ. Мұнда жаңа мектеп, екі балабақша, коммерциялық ғимараттар мен сауда үйлері салынып, барлық қажетті инженерлік және жол инфрақұрылымдары жүргізіледі.

«Құрылыс материалдарының тапшылығы болмайды. Қараша айында жаңа кірпіш зауыты іске қосылады. Келесі жылдың басында темір бетон бұйымдарын шығаратын зауыт өндірісі ашылады»,-деді Б.Сапарбаев.

Пилоттық жобаны жүзеге асыру аясында тез тұрғызылатын аз қабатты несиелік тұрғын  үйлердің құрылысы жоспарланып отыр. «Таунхаус» типіндегі барлығы 423 жеке үй мен 56 тұрғын  үй (153 мың шаршы метр) салынбақ.