Жаңалықтар

Елбасы Нұрсұлтан Назарбаевтың «Президенттің бес әлеуметтік бастамасы» атты халыққа Үндеуі Қазақстанның даму моделі әбден қалыптасқанын және экономикалық тұрғыдан тұрақты өркендеп келе жатқанын көрсетті…

Бұған дейін Мемлекет басшысы «Бола­шаққа бағдар: рухани жаңғыру» атты мақа­ласын жариялап, еліміздің мықты, жауап­кершілігі жоғары біртұтас ұлт болуы үшін рухани жағынан қалай жаң­ғыру керектігін, бұқаралық сана­ны қалай өзгерту қажеттігі туралы көзқарастарын ортаға салып, бағыт-бағдар сілтеді. Ал, биылғы Жолдауында жаңа әлемге, яғни Төртінші өнеркәсіптік революция әлеміне бейімделу мен жетістікке жету жолын айқындап берді. Енді, міне, «Пре­зиденттің бес әлеуметтік бастамасы» халық­тың өмір сүру сапасын әлеуметтік жоба­лар арқы­лы жақсартудың бас­ты қазығы болып отыр. Осылайша, Елбасы мемлекеттік бас­қарудың үш базалық құрылымы: рухани, технократиялық, әлеуметтік даму тетік­терінің негізін қалады. Бұл – Мәңгілік Ел болудың негізгі принциптері іспетті.
Жалпы, Елбасының бес әлеумет­тік бас­тамасы – халықтың әл-ауқа­тын жақсар­та түсудің тиімді жолы. Прези­дент мем­лекет­тің әлеу­меттік жауапкершілігін көтеру арқы­лы ел­дің тұрақтылығын одан әрі дамытуды айқындап отыр. Ен­деше бес әлеу­­мет­тік бастама халықтың игі­л­­ігіне айналатын ұтым­ды жоба деп санаймын. Соның бірі білім беруге бағытталуы, жастарға жасалып отырған әкелік қамқорлық.

Президенттің үшінші әлеуметтік бастамасы ре­тінде Мем­лекет басшысы жоғары оқу орындарына берілетін гранттар санын көбейтіп, жоға­ры оқу орындары мен колледж студенттерін жатақ­ханамен қамтамасыз ету мәсе­лесін атап өтті. Бұл ең бірін­ші кезекте адами ка­пи­­талға құйыл­ған инвестиция іспеттес. Осы арқы­лы студенттердің білім алуы­на жағ­­дай жасалып, оларды бас­пана­­мен қам­та­масыз ету мәсе­лесі шеші­мін табады. Мек­теп қабыр­ғасы­нан енді шыққан көп­те­ген жас түлек уақытша тұратын пана іздеп, өмір­дің қиындығына ерте тап бо­латы­нын кө­ріп жүрміз. Ал, пәтер­ден пәтерге көшіп, тұр­мыс жағы­нан қиналып жүрген жастар­дың оқуға құлшынысы бола ма? Өркениетті қоғам­д­а жастарға ерекше саясат жүргізетіні сон­­дықтан. Мемлекеттің өздеріне деген қам­қор­л­ы­ғын сезінген жастардың да елдің ке­ле­ш­е­гіне деген сезімі ерек болатыны шүбәсіз.

Орайы келгенде айтып өтейін, Елбасының сарабдал саясатының арқасында ел болашығының орта мектептер мен жоғары және арнаулы оқу орындарында сапалы білім алып, қалаған мамандықтарын таңдауларына барлық жағдайлар жасалған. 2016-2017 оқу жылдарында біздің қаланың 578 оқушысы тоғызыншы сыныптан соң колледждерге оқуға түссе, оның 403-і ақысыз білім алуда. Сондай-ақ, 2017 жылы 317 бала 11 сыныпты бітірді. Олардың 225-і ҰБТ тапсырды. Орташа балл – 80,02 болды. Осы түлектердің 95-і грантқа оқып жатыр. Оның 73-і Қазақстанда, 22-сі Ресейде білім алуда.

Биылғы жылы 901 бала 9 сыныпты, 356 бала 11 сыныпты тәмамдағалы отыр. Олардың жоғары және арнаулы оқу орындарына түсіп, кәсіби білім алуларына мүмкіндіктері зор. Оған Елбасы ұсынған «Президенттің бес әлеуметтік бастамасы» бағдарламасы дәлел. Бұл әлеуметтік бастамалар – біздің әлеуетті ел болуымыздың басты кепілі.