Республика жаңалықтары

25 Маусым 2019 17:59
Ақпарат және қоғамдық даму министрі Дәурен Абаев Орталық коммуникациялар қызметінде өткен есеп беру кездесуінде ақпарат, азаматтық қоғам, қоғамдық келісім мен жастар және отбасы мәселелері жөнінде мәлімет келтіріп, алға қойған негізгі міндеттер туралы айтып берді.
25 Маусым 2019 17:44
Президент Қасым-Жомарт Тоқаев өзінің сайлауалды бағдарламасын іске асыру бойынша іс-шаралардың нақты жоспарын қабылдады. Үкімет өзекті әлеуметтік мәселелерді шешу шараларын әзірледі.Толығырақ келесі материалдан оқи аласыздар.
25 Маусым 2019 15:02
ҚР Тұңғыш Президентінің бастамасымен Тәуелсіздік жылдарында экономикалық, саяси, әлеуметтік реформалар жүзеге асырылды. Елбасы Нұрсұлтан Назарбаевтың стратегиялық бастамалары, болашақты болжай білетін көрегендігі, сарабдал саясаткерлігі нәтижесінде көпұлтты мемлекетіміз дамудың даңғыл жолына түсті. Ал, мемлекеттілікті қалыптастыру жолында Елбасы жолы қандай болғаны туралы «Нұрсұлтан Назарбаев: кемеңгерліктің 30 жылы» көрмесінде көрініс тапқан. Strategy2050.kz сараптамалық порталы назарларыңызға көрмедегі құндылықтар туралы материалды ұсынады.
25 Маусым 2019 13:49
Astana Hub халықаралық технопаркі 2018 жылы 6 қарашада ресми ашылды. Қазіргі таңда ол ұлттық инновациялық экожүйе ретінде қалыптасуда. Оның құрылу негізіне Сингапур, Оңтүстік Корея сынды елдердің тәжірибесі алынған болатын. Қазіргі таңда бұл жоба алғашқы нәтижелерін көрсетіп жатыр. Атап айтқанда, Astana Hub іске қосылғалы 2018-2019 жылдардың ішінде IT-стартаптарға 29 млрд. теңгеге жуық инвестиция тартылған. ҚР Цифрлық даму, инновациялар және аэроғарыш өнеркәсібі министрі Асқар Жұмағалиев, Павлодар облысының әкімі Болат Бақауов Үкімет отырысында Ақпараттық технологиялар саласындағы инновациялық экожүйенің дамуы туралы айтып берді.
25 Маусым 2019 11:43
Түркістан облысы Арыс қаласының әскери қоймасында бірнеше жарылыс болып, Арыс қаласы мен сол қаланың маңайындағы ауыл тұрғындары түгелге эвокуацияланған болатын. ІІМ Төтенше жағдайлар комитетінің мәліметінше оқиға 24.06 күні таңғы сағат 9-дан өте болған. Жарылыс кесірен жарақат алған 165 адамның 76-сына амбулаториялық көмек көрсетілген. 89 пациент стационарлық ем қабылдаса, 15 адам жансақтау бөлімінде жатыр. ІІМ орынбасары Юрий Ильиннің мәліметінше жарлыс кезінде адасып кеткен балалардың барлығы табылған. Осыған байланысты оқиғаның салдарымен күресіп жатқан тиісті Үкімет мүшелері мәлімдеме жасады.
24 Маусым 2019 18:26
Алматы облысының тәртіп сақшылары «Отбасындағы зорлық-зомбылыққа жол жоқ!» республикалық акциясы шеңберінде облыс тұрғындарына ақпараттық-құқықтық түсіндіру жұмыстарын ұйымдастырды. Сондай-ақ, «Қауіпсіз жол» республикалық жедел алдын алу іс-шарасы барысында жазғы лагерьде демалушы балаларға жол қозғалысы бойынша байқау өткізілді.
24 Маусым 2019 17:25
Елімізде еңбек демалысы маусымы басталды. Осы кезеңде жұмыс істейтін азаматтардың жыл сайынғы еңбек демалысы күндерінің санын дұрыс есептеу өте маңызды, өйткені мұндай есептеу «демалыс төлемінің» сомасына әсер етеді. Оның үстіне ҚР Еңбек Кодексінің 91 бабына сәйкес – жыл сайынғы ақы төленетін еңбек демалысы берілген кезде еңбек өтілін есептеу, нақты жұмыс істелген уақыт, жұмыскер нақты жұмыс істемеген, бірақ оның жұмыс орны (лауазымы) мен жалақысы толық немесе ішінара сақталған уақыт, жұмыскер еңбекке уақытша қабілетсіздігіне байланысты нақты жұмыс істемеген уақыт, оның ішінде жүктілігіне және босануына байланысты демалыста болған уақыт, жұмыскер жұмысына қайта алыну алдында нақты жұмыс істемеген уақыт еңбек өтіліне қосылады, делінген.
24 Маусым 2019 17:18
Қазақстан Президенті Қасым-Жомарт Тоқаевтың төрағалығымен халықты әлеуметтік қорғау мәселелері жөнінде кеңес өтті,деп хабарлады Ақорданың баспасөз қызметі.
24 Маусым 2019 17:07
Сенаттың кезекті отырысында бірқатар заң жобалары қаралып, Үкімет басшысына депутаттық сауалдар жолданды. Оның ішінде Қазақстан Республикасы Парламентінің Мәжілісі мақұлдаған «Ядролық қаруға тыйым салу туралы шартты ратификациялау туралы» Қазақстан Республикасы Заңының жобасы да бар. Толығырақ келесі материалдан оқи аласыздар.
24 Маусым 2019 14:10
Еңбек және халықты әлеуметтік қорғау министрі Бердібек Сапарбаевтың айтуынша, Қазақстан халқы дәл қазір 39 түрлі әлеуметтік төлем алып жатыр. Былтырғы жылдың өзінде республикалық бюджеттен осы әлеуметтік салаға 2 трлн. 600 млрд. теңге жұмсалған. Әлеуметтік сақтандыру қорына жұмыс берушілерден түскен қаржыға жұмыс істейтін азаматтар үшін 5 түрлі әлеуметтік көмек көрсетіледі. Тек қана өткен жылы аталған көмекті 800 000-ға жуық қазақстандық алған. Оған кеткен қаржының көлемі 190 млрд теңге. Биылғы жылы әлеуметтік салаға бөлінген жалпы қаржы 3,3 трлн теңге. Оның ішінде 2,8 трлн теңге зейнетақы мен жәрдемақы төлеуге бөлінген.