Республика жаңалықтары

23 Тамыз 2019 11:50
Ақмола облысы инвестициялық ахуалын арттыруда

Мәселен, халықаралық ынтымақтастық дамыту мақсатында  Ақмола облысының әкiмi Ермек Маржықпаев Израиль Мемлекетiнiң Қазақстандағы Төтенше және Өкiлеттi Елшiсi Лиат Вексельман ханыммен кездестi.

Кездесу барысында туризм мен ауыл шаруашылығын дамыту бөлiгiнде тараптардың перспективалы қарым-қатынастарының мәселелерi талқыланды. Облыс әкiмi израильдiк инвестицияларды, технологиялар трансфертiн тартуға қызығушылық танытты.

Израиль Мемлекетi бүгiнгi таңда агротехнологиялар, жоғары технологиялы ауыл шаруашылығы салаларында беделдi болып табылады.

Ақмола облысының жағдайында мұндай технологияларды енгiзу өзара ұтымды және пайдалы шарттармен агроөнеркәсiп кешенiн дамытудың жаңа деңгейiне шығуға мүмкiндiк бередi.

Сонымен қатар, тараптар бiрқатар бастамаларды жүзеге асыру бойынша нақты шаралар қолдану мақсатында өңiрге келуi үшiн израильдiк бизнесмендер делегациясын құру туралы келiсiмге қол жеткiздi.

Сонымен қатар, Ермек Маржықпаев Украина сүт өндiрушiлерi қауымдастығының вице-президентi Любомир Дикун бастаған украиналық «Dairy Global Experts» халықаралық консультациялық орталығының делегациясымен кездесу өткiздi.

Бұл жоғары бiлiктi сарапшылар тобы Қазақстан, Өзбекстан, Грузия, Монғолия, Арменияда сүт және ет өндiсi салаларын дамыту бойынша халықаралық жобаларды өткiзедi. Орталықтың консультанттары МIҚМ өсiру, бордақылау, өңдеу мен өткiзу, сүт-тауарлық фермалар құрылысын салу мен реконструкциялау бойынша басқару, экономика, ветеринария, зоотехния, агрономия, жобалау және жобаларды жетелеу салаларында жұмыс iстейдi.

Сапар шеңберiнде Ветеринариялық қызмет көрсету мен оқыту орталықтарын құру жобасын кеңейту туралы келiсiмге қол жеткiзiлдi. Айта кетейiк, Зерендi ауданының «Жақсылық агро» ЖШС базасында европалық деңгейде ветеринариялық қызмет көрсететiн елiмiздегi тұңғыш орталық сәттi жұмыс iстейдi. Жобаны өңiрдiң сүт өндiрiсi саласында инновацияларды енгiзу және өнiмдiлiгiн арттыру үшiн тәжiрибе алмасу мақсатында Өңiрлiк кәсiпкерлер палатасы мен Ақмола облысының сүт өндiрушiлерi қауымдастығы украиналық «Dairy Global Experts» сарапшылық компаниясымен бiрлесiп жүзеге асырған.

Сонымен қатар, Украинадан келген сарапшылар Ақмола облысында агроқұзырлықты арттыруға бағытталған тұңғыш өңiрлiк бағдарламаны әзiрлеуге қатысады.

Оған қоса,  Ақмола облысының әкiмi Ермек Маржықпаев Егiндiкөл ауданының егiстiктерiнде болды, онда диқандармен мемлекеттiк қолдау шараларын, егiстiктiң құрылымы мен жағдайын, тұқым қорының сапасын талқылады.

«Сарымсақты» ЖШС басшысы Оралбай Глашев, егiстiктер маусымдағы жаңбырдан, нағыз масақтары қалыптасатын кезде ылғал алғанын айтты. Ауыл шаруашылығы тауар өндiрушiлерiнiң айтуынша қуаңшылыққа қарамастан биылғы егiн орағынан жақсы өнiм күтiлуде. Жалпы ауданның егiстiк алқаптары 323,6 мың га құрайды, соның iшiнде бидай — 303 мың гектардан асады.

«Өнiм үшiн күресемiз», — дедi Ұзынкөл ауылындағы «Ушаково Агро» ЖШС директоры Бақтияр Ысқақов.

Бұл шаруашылық сенiмдi, мықты әлеуметтiк әрiптестер қатарында. Ауыл аудандағы үлгiлi шаруашылықтардың бiрi саналады, сондықтан мұнда тiптi қаладан көшiп келедi.

«Дәндi дақылдар өткен жылдың деңгейiнде жиналады», — деп уәде бердi «Аскоп» ЖШС бас директоры Николай Степаненко.

Шаруашылықтың жоспарында Егiндiкөл ауылында орналасқан 500 IҚМ басы, 300 — ҰМ, 300 — шошқа ұсталатын мал шаруашылығы кешенiн кеңейту бар. Мұнда тушонка, фарш, жартылай фабрикаттары өндiрiледi, сондай-ақ тұрғындарға мал сою және бөлу қызметтерi көрсетiледi.

Ермек Маржықпаев аудандық ауруханада науқастардың жағдайларымен танысты. Бас дәрiгердiң міндетін атқарушы  Суният Игембаевтың айтуынша, материалдық база кезең-кезеңдеп жаңартылып келедi, қымбат тұратын соңғы үлгiдегi екi аппарат сатып алынды: УЗИ және рентгенограф.

Бiрақ медициналық мекемеде дәрiгер мамандардың 6 орны бос. Осыған байланысты өңiр басшысы аудан әкiмi Ерлан Исабековке бiрiншi кезекте тұрғын үй мәселесiн шешу бойынша шаралар қолдануды тапсырды.

Келесi жылы аудандық мәдениет үйiн реконструкциялау жоспарланған, онда төбесiн, сахнасын жаңарту, ауласында блок-модулдiк қазандық пен ангар түрiндегi спортзал салу жоспарланып отыр.

Сонымен қатар, аудан орталығында облыс әкiмi көше-жол желiсiн жөндеу жұмыстарын, «Нұрлы жер» бағдарламасы бойынша 16 пәтерлi тұрғын үй құрылысын қарап көрдi.

Өңiрде ауыл тұрғындарын орталықтандырылған ауыз сумен қамтамасыз ету бойынша проблемалар бар. Ұзынкөл сорғы станциясын бiрлесiп қарау кезiнде сумен жабдықтаудың жағдайы туралы «Нұра топтамалық су құбыры» РМК бас директоры Алтай Елжасов облыс әкiмiне баяндады.

 «Бiздiң түлектерiмiз сұранысқа ие, 98 процент жергiлiктi шаруашылықтарда еңбек етедi», деп сендiрдi. Оқу орны Астрахан агротехникалық колледжi Егiндiкөл ауданында өз бөлiмшесiн ашқан 2012 жылдан берi кәсiби механизаторларды, ауыл шаруашылығы кәсiпорындарына аспаздарды дайындайды», -  Агротехникалық колледжде директор Лариса Шевцова.

Қабырғалары ғана қалған ескi өрт сөндiру депосының орнында қысқа мерзiмде шеберханасы және барлық қажеттi жабдықтары бар оқу корпусы, кейiн жатақхана салынды. Ауылдың орта мектептерiнiң бiрiнде тағы алты кабинет орналасқан, сондықтан колледжге қосымша оқу корпусы қажет. Сұхбат кезiнде өңiр басшысы Ермек Маржықпаев оқу орнының бұл мәселесiн шешуге дайын екенiн бiлдiрдi.

Сонымен қатар,  Ермек Маржықпаев жұмыс сапары шеңберiнде Қорғалжын ауданының Сабынды ауылындағы «МЕТ — 777» ЖШС жаңа жылыжай шаруашылығында болды.

Ағымдағы жылдың жазында мұнда бiрiншi өнiм — 35 мың тоннадан астам томат жиналды, ол жергiлiктi тұрғындарға бiрден ұнады. Жылыжай өнiмi Нұр-Сұлтан қаласының нарығында сұранысқа ие болды. Қазан айында екiншi егiннiң қызандарын жинау жоспарланып отыр.

4 жылыжайда барлығы 8 мың түп iрiжемiстi «Аттия» томаты өсiрiледi. Перспективада фермерлер тағы 6 жылыжай құрылысын салуды және ассортиментке кияр, баялды, жасыл және басқа көкөнiстердi қосуды жоспарлап отыр. Жұмысшылар саны 8 адамнан 30-ға дейiн өседi.

Ермек Маржықпаев кәсiпорын басшылығына степногорсклiк «Қазақстанның жылыжай технологиялары» ЖШС-нiң тәжiрибесiн қабылдауды ұсынды және аудан әкiмi Берiк Жанбаевқа жобаны бұдан әрi дамыту үшiн мемлекеттiк қолдау қарастыруды тапсырды.

Облыс әкiмi осы ауылдағы 2010 жылы индусрияландыру картасы бойынша iске қосылған «Астана Агропродукт» ЖШС-нiң ет өңдеу кешенiнiң жұмысымен танысты. Осы жылдары ет комбинаты шағаратын өнiмдер отандық брендке айналды. Олар суытылған ет, жартылай фабрикаттар, модификацияланған газ ортасындағы, вакуум орамадағы ет өнiмдерi және "Бакара" сауда марқалы шұжық өнiмдерi. Өңiр басшысы экспорттық әлеуеттi арттыру қажеттiгiне назар аударды.

«Бiздiң компания — солтүстiк өңiрдегi ет экспорттауға аккредитациясы бар жалғы компания. Бұған дейiн бiз Иранға аунатқаннан кейiн, сүйексiз жұмсағын ғана экспорттадық. Ендi Қытайға сүйегiмен бiрге жөнелтудi бастауды жоспарлап отырмыз», — дедi кәсiпорынның директоры Қанатбек Үзембаев.

Облыс әкiмi Ермек Маржықпаев «Агрофирма Жер 888» ЖШС егiстiктерiнде болды. Агроқұрылымның директоры Абай Медеубаевтың айтуынша, жаңбыр болмағандықтан егiн өнiмi соңғы 5 жылғы көрсеткiштерден төмен болады. 10 000 га алқаптан ол орта есеппен гектарына 10 центнерден дәндi дақылдар жинауды болжап отыр. Аудан әкiмiмен және диқандармен Ермек Маржықпаев рапс, күнбағыс, жасымық, зығыр және басқа да дақылдарды өсiру алқаптарын арттыруды талқылады.

«Әртараптандыру диқандарға қолайсыз жағдайларда да бәсекелесуге және пайда табуға мүмкiндiк бередi», — дедi облыс әкiмi.

Аудан орталығында мәдениет үйiн және көше жолы желiсiн ағымдағы жөндеуге облыстық бюджеттен 90 млн теңгеден астам бөлiнген. Бiрақ құрылыс жұмыстар әлi күнге басталмаған.

«Мен сiздi аудан активiне таныстырғанда бiрiншi кезектегi мiндеттер қатарында Мәдениет үйiн, Ә.Молдағұлова мен Тәуелсiздiк көшелерiн сапалы жөндеудi жүргiзудi белгiлегенмiн. Әлi күнге дейiн кiшкене конкурсты өткiзе алмай отырсыздар. Бiзде қомақты қаржыларды игерiп отырған аудандар бар», — деп ескерттi аудан әкiмiне Ермек Маржықпаев.

Сонымен қатар, өңiр басшысы Қорғалжын табиғи қорығының визит-орталығында, «Балтабек» этно-туристiк кешенiнде және демеушiлер қаржысы есебiнен реконструкцияланған орталық стадионда болды.

Аягөз Құрмаш