Республика жаңалықтары

27 Қаңтар 2020 16:33
Жастарға арналған навигациялық бағдарламада барлық құжаттар тоғыстырылады – М.Қожахмет

«ҚР Президенті Қасым-Жомарт Тоқаев Жастар жылын жабу кезінде бірқатар тапсырмалар жүктеді. Осы және стратегиялық тапсырмалардан шыға келе Жастар ісі комитеті бірқатар іс-шараларды жүзеге асыруды көздеп отыр. Әлеуметтік сауалнамалардың нәтижесінде басты назар өткен жылы жастар жылына аударылды. Жастарды алаңдатып отырған басты мәселе қолжетімді сапалы білім беру мен жұмысқа орналасу, кәсіпкерлік ашу және сапалы медициналық көмек көрсету болып табылады. Сондай-ақ, қолжетімді баспанамен қамту мәселесі өзекті. 3000 пәтер бөлінгеніне қарамастан, олардың саны әлі де аз екені байқалды», - деді ол.

Сондай-ақ, М,Қожахмет осы айтылған мәселелердің барлығын 2021-2025 жылдарға арналған жастар саясатын дамыту мемлекеттік бағдарламасына енгізуді көзделіп отырғанын айтты.

«Жастарды қолдауға арналған барлық шараларды бір құжатқа жастар навигациялық бағдарламасна тоғыстырмақпыз. Сонымен қатар, Президенттің тапсырмасы аясында жастар ресурстық орталықтарының жұмыстарын жалғастыру көзделген. Олардың қызметін қайта форматтау міндеті тұр», - деді М.Қожахмет.

Аягөз Құрмаш